दुष्काळसदृश्य भागातील शालेय विद्यार्थ्यांचे परीक्षा शुल्क माफ

राज्यातील दुष्काळसदृश्य भागातील विद्यार्थ्यांची (इ.10 वी व इ.12वी) परीक्षा शुल्क माफ करण्यात येणार आहे.

अवर्षणग्रस्त खेड्यातील विद्यार्थ्यांना परीक्षा फी माफी / फी प्रतिपूर्ती करणेबाबत शासन निर्णय 29 सप्टेंबर 2026

शासन निर्णय दिनांक २५ सप्टेंबर, २०२६ अन्वये महाराष्ट्र राज्यातील २६५ तालुक्यांमध्ये दुष्काळजन्य परिस्थिती निर्माण झाल्यामुळे राज्य शासनाने २६५ तालुक्यांमध्ये विशेष बाब म्हणून उपाययोजना व सवलती लागू करण्याचा निर्णय घेतलेला आहे. त्यामध्ये शालेय / महाविद्यालयीन विद्यार्थ्यांच्या परीक्षा शुल्कात माफी देण्याबाबत नमूद केलेले आहे.

त्यास अनुसरून शासन निर्णयानुसार फेब्रुवारी-मार्च २०२७ मध्ये आयोजित इ.१०वी व इ.१२ वी परीक्षेस प्रविष्ट होणाऱ्या विद्यार्थ्याकडून पुढील आदेश येईपर्यंत परीक्षा शुल्क न घेता आवेदनपत्रे भरून घेण्याची कार्यवाही करण्यात यावी. याबाबत राज्य मंडळामार्फत पुढील सविस्तर सुचना यथाशिघ्र निर्गमित करण्यात येतील. तरी आपणामार्फत विभागातील दुष्काळग्रस्त तालुक्यातील सर्व शाळा व कनिष्ठ महाविद्यालयांना तशा तात्काळ सूचना देण्यात याव्यात.

दुष्काळी तालुक्याची यादी बाबत शासन निर्णय (25 सप्टेंबर 2026) डाउनलोड करा. Click Here

परीक्षा शुल्क प्रतिपूर्ती करणेसाठी ONLINE द्वारे माहिती सादर करणेबाबत 2024

शासनाचे शासननिर्णयानुसार, टंचाईग्रस्त / दुष्काळग्रस्त भागातील इ.10 वी व इ.12वी च्या विद्यार्थ्यांचे संपूर्ण परीक्षा शुल्काची प्रतिपूर्ती ही राज्यमंडळ स्तरावरून करण्यात येणार आहे. शासन निर्णयानुसार जाहीर झालेल्या दुश्काळसदृश्य 40 तालुके व याव्यतिरिक्त 1021 महसूल विभागातील बाधित क्षेत्रातील सर्व माध्यमिक शाळा / उच्च माध्यमिक शाळा/कनिष्ठ महाविध्यालयांना 'माध्यमिक व उच्च माध्यमिक प्रमाणपत्र परीक्षा फेब्रवारी-मार्च 2024 मधील परीक्षेस प्रविष्ठ झालेल्या नियमित विद्यार्थ्यांची यादी अनुक्रमे  http://feerefund.mh-ssc.ac.in आणि http://feerefund.mh-hsc.ac.in ह्या लिंकवर उपलब्ध करुन दिलेली आहे. सदर लिंकवर दि. 20 मार्च, 2024 पर्यत माहिती सादर करण्याची मुदत देण्यात आली होती.

दहावीच्या विद्यार्थ्यांची माहिती सादर करण्यासाठी लिंक -  Click Here

बारावीच्या विद्यार्थ्यांची माहिती सादर करण्यासाठी लिंक -  Click Here

विविध शिक्षक संघटनांनी केलेल्या मागनीनुसार विद्यार्थ्याची माहिती प्राप्त होण्यास विलंब होत असल्याने, सदर महिती सादर करण्यासाठी दि. 26 मार्च 2024 पर्यंत अंतिम मुदतवाढ देण्यात येत आहे. तरी माध्यमिक शाळा / कनिष्ठ महाविध्यालयांनी दि.26 मार्च 2024 पर्यत ऑनलाईन पध्दतीने माहिती भरणे आवश्यक आहे. तसेच या नंतर कोणतीही मुदतवाढ दिली जाणार नाही. याची नोंद घ्यावी.

दुष्काळी तालुक्याची यादी बाबत शासन निर्णय (29 फेब्रुवारी 2024) डाउनलोड करा. Click Here