या महिन्यात होणार दहावी-बारावीच्या परीक्षा Maharashtra SSC HSC Board Exam Dates 2021

महाराष्ट्र राज्य माध्यमिक आणि उच्च माध्यमिक शिक्षण मंडळाकडून (Maharashtra State Board) दहावी (10th) आणि बारावीची (12th) परीक्षा आयोजित केली जाते. दरवर्षी साधारण फेब्रुवारी महिन्याच्या शेवटच्या आठवड्यात बारावीची परीक्षा घेतली जाते. तर मार्च महिन्याच्या पहिल्या आठवड्यात दहावीच्या परीक्षांना सुरुवात होते. मात्र कोरोना संसर्गामुळे यंदा शैक्षणिक वर्ष उशिराने सुरु झालं आहे. त्यामुळे दहावी आणि बारावीच्या विद्यार्थ्यांवर अभ्यासाचा ताण आहे. हाच ताण कमी करण्यासाठी यंदा परीक्षा उशिराने घेण्याचा निर्णय घेण्यात आला आहे.

Maharashtra Board SSC-HSC Exam Date 2021

यंदा इयत्ता बारावीची परीक्षा ही 15 एप्रिलनंतर होईल,  तर दहावीची परीक्षा ही येत्या 1 मेनंतर होऊ शकते, अशी माहिती शिक्षणमंत्री वर्षा गायकवाड यांनी दिली आहे. काही दिवसांपूर्वी वर्षा गायकवाड यांनी फेब्रुवारीत होणाऱ्या 12 वीच्या परीक्षा एप्रिलमध्ये आणि मार्चमध्ये होणाऱ्या दहावीच्या परीक्षा मे महिन्यात घेण्यावर विचार करत असल्याची माहिती दिली होती.

कोरोनाच्या पार्श्वभूमीवर मुलांवरील अभ्यासाचा ताण कमी करण्यासाठी यंदा परीक्षा पुढे ढकलली जात आहे, त्यामुळे दहावी-बारावीच्या विद्यार्थ्यांना काही प्रमाणात दिलासा मिळाला आहे. (Maharashtra Board SSC-HSC Exam Date 2021)