बाल चित्रकला स्पर्धा 2026 संपूर्ण माहिती | नोंदणी लिंक - https://msbae.ac.in/

बाल चित्रकला स्पर्धा 2026 संपूर्ण माहिती | नोंदणी लिंक - https://msbae.ac.in/ | https://balchitrakala2026.msbae.in/

July 22, 2026

बाल चित्रकला स्पर्धा 2026 संपूर्ण माहिती | नोंदणी लिंक - https://msbae.ac.in/ | https://balchitrakala2026.msbae.in/

महाराष्ट्र राज्य कला शिक्षण मंडळ, मुंबई यांच्या वतीने ८ ऑगस्ट २०२६ रोजी राज्यभर बालचित्रकला स्पर्धा २०२६ आयोजित करण्यात येणार आहे. इयत्ता १ ली ते १० वी पर्यंतच्या विद्यार्थ्यांसाठी चार गटांमध्ये ही स्पर्धा आयोजित करण्यात आली आहे.

शाळा व विद्यार्थ्यांची ऑनलाइन नोंदणी १ जुलै ते ३१ जुलै २०२६ या कालावधीत करावी.

राज्य कला शिक्षण मंडळामार्फत गतवर्षीप्रमाणेच बालचित्रकला स्पर्धा २०२६ चे आयोजन दिनांक ०८ ऑगस्ट, २०२६ रोजी करण्यात येणार आहे. राज्यातील सर्व जिल्हा परिषद/नगरपालिका/ महानगरपालिका यांच्या हद्दीतील सर्व शासनमान्य प्राथमिक व माध्यमिक शाळामध्ये इयत्ता १ ली ते १० वी मधील इयत्तानिहाय ४ गटामध्ये एकाच दिवशी बालचित्रकला स्पर्धा आयोजित करावयाची आहे. महाराष्ट्रातील सर्व प्राथमिक व माध्यमिक शाळेच्या मुख्याध्यापकांनी https://www.msbae.ac.in या संकेतस्थळावरील बालचित्रकला या टॅबमध्ये किंवा या https://balchitrakala2026.msbae.in लिंकवर शाळेची ऑनलाईन नोंदणी करावयाची आहे. गटनिहाय तपशील व प्रवेश शुल्क खालील प्रमाणे,

बालचित्रकला स्पर्धेचे प्रवेश शुल्क तसेच जिल्हास्तरीय व राज्यस्तरीय बक्षीसांच्या रकमेत सन २०२५ पासून वाढ करण्यात आलेली आहे. सदर स्पर्धा ही चार गटामध्ये घेतली जाणार असून इयत्ता १ ली ते इयत्ता १० वी पर्यंतचे गटनिहाय विद्यार्थी यामध्ये सहभागी होऊ शकतात. सदर स्पर्धेमध्ये सहभाग घेण्यासाठी प्रति विद्यार्थी रु २०/- अक्षरी रुपये वीस फक्त एवढे स्पर्धा शुल्क आहे. प्रति विद्यार्थी रु २०/- रक्कमेमधून ड्रॉईंग कागदाचा ११ X १५ इंच या आकाराचा खर्च रु.५/- वजा करून उर्वरित रक्कम रु.१५/- प्रति विद्यार्थी मंडळाकडे दिनांक ३१.०७.२०२६ पर्यंत ऑनलाईन जमा करावयाची आहे.

मुख्याध्यापक/ प्राचार्य, सर्व जिल्हा परिषद/नगरपालिका/ महानगरपालिका यांच्या हद्दीतील सर्व शासनमान्य प्राथमिक व माध्यमिक शाळा यांना कळविण्यात येते की, बालचित्रकला स्पर्धेकरिता विद्यार्थ्यांचे नाव नोंदणी गटनिहाय व सर्वसाधारण नोंदवहीतील (General Register) नावाप्रमाणे अचूक ऑनलाईन नोंदणी शाळेमार्फत करावी. बालचित्रकला स्पर्धेकरिता शाळेची नोंदणी व विद्यार्थ्यांची नोंदणी https://www.msbae.ac.in था संकेतस्थळावरील बालचित्रकला या टॅबमध्ये किंवा https://balchitrakala2026.msbae.in या लिंकवर भराययचा आहे. सदर स्पर्धेकरिता जास्तीत जास्त विद्यार्थी नोंद होण्याकरिता सर्व संबंधित विद्यार्थी तसेच पालक व शाळा यांना उपरोक्त संदर्भिय शासन निर्णय निदर्शनास आणावा.