महाराष्ट्र राज्य माध्यमिक आणि उच्च माध्यमिक शिक्षण मंडळातर्फे 2025 मध्ये होणाऱ्या दहावी आणि बारावीच्या परीक्षांचे वेळापत्रक जाहीर करण्यात आले आहे.
बारावीची लेखी परीक्षा 11 फेब्रुवारीपासून, तर दहावीची लेखी परीक्षा 21 फेब्रुवारी पासून सुरू होणार आहे. तर तोंडी व प्रात्यक्षिक परीक्षा 12वी 24 जानेवारी व 10वी 03 फेब्रुवारी पासून सुरु करण्यात येणार आहे.
प्रश्नपेढी संच डाउनलोड लिंक (10वी/12वी)
Join WhatsApp Group
वेळापत्रकाबाबत ची खात्री शाळेत ऑफलाईन उपलब्ध असलेल्या वेळापत्रकासोबत करावी.
10वी, 12वी बोर्ड परीक्षा वेळापत्रक अधिकृत वेबसाइट पहा.
विद्यार्थ्यांना अभ्यासाचे नियोजन करता यावे; म्हणून मंडळाकडून संभाव्य वेळापत्रक जाहीर केले जाते. यानुसार राज्याच्या शिक्षण मंडळातर्फे दहावी व बारावीच्या परीक्षेचे संभाव्य वेळापत्रक जाहीर करण्यात आले होते. बारावीची परीक्षा 11 फेब्रुवारी ते 18 मार्च आणि दहावीची परीक्षा 21 फेब्रुवारी ते 17 मार्च दरम्यान होणार आहे. दोन्ही परीक्षांचे सविस्तर वेळापत्रक मंडळाच्या अधिकृत www.mahahsscboard.maharashtra.gov.in किंवा www.mahahsscboard.in या वेबसाइटवर विद्यार्थी आणि पालकांना 20 नोव्हेंबर रोजी उपलब्ध करुन देेेण्यात येईल.
इ. 10 वी प्रात्यक्षिक, श्रेणी, तोंडी व अंतर्गत मूल्यमापन परीक्षा सोमवार दि. 03 फेब्रुवारी, 2025 ते गुरूवार दि. 20 फेब्रुवारी, 2024 होईल.
इ. 12 वी प्रात्यक्षिक, श्रेणी, तोंडी व अंतर्गत मूल्यमापन परीक्षा शुक्रवार दि. 24 जानेवारी, 2025 ते सोमवार दि. 10 फेब्रुवारी, 2025 या कालावधीत आयोजित करण्यात येणार आहे.
शाळा / कनिष्ठ महाविद्यालय आणि विद्यार्थी यांना अभ्यासक्रमाचे नियोजन करण्याचे हेतूने तसेच विद्यार्थ्यांच्या मनावरील ताण कमी होण्याचे दृष्टीने फेब्रुवारी-मार्च २०२५ च्या प्रात्यक्षिक आणि लेखी परीक्षेच्या वरीलप्रमाणे नियोजित तारखा जाहीर करण्यात येत आहे. प्रात्यक्षिक परीक्षा, श्रेणी, तोंडी, अंतर्गत मूल्यमापन परीक्षा व लेखी परीक्षांचे सविस्तर विषयांचे वेळापत्रक स्वतंत्रपणे मंडळाच्या संकेतस्थळावर यथावकाश जाहीर करण्यात येईल. सदर तारखांबाबत काही सूचना, हरकती असल्यास त्या शुक्रवार, दि.२३.०८.२०२४ पर्यंत secretary.stateboard@gmail.com या संकेत स्थळावर पाठवाव्यात. या तारखेनंतर प्राप्त होणाऱ्या सूचनांवर विचार केला जाणार नाही, असं मंडळाकडून आवाहन करण्यात आलं आहे.
दहावीचा पहिला पेपर भाषा, तर बारावीचा पहिला पेपर इंग्रजीचा होईल. दहावीचा अभ्यासक्रम बदलल्याने नव्या विद्यार्थ्यांसाठी पुनर्रचित अभ्यासक्रमानुसार, तर जुन्या विद्यार्थ्यांसाठी जुन्या अभ्यासक्रमानुसार वेळापत्रक तयार करण्यात येईल. जुन्या विद्यार्थ्यांसाठी ही अंतिम संधी आहे. प्रात्यक्षिक परीक्षा, श्रेणी, तोंडी परीक्षा आणि अन्य विषयांचे वेळापत्रक स्वतंत्रपणे परीक्षेपूर्वी मंडळामार्फत कळवले जाईल. वेळापत्रकाबाबत काही सूचना, हरकती असल्यास त्या विभागीय मंडळाकडे; तसेच राज्य मंडळाकडे १५ दिवसांच्या आत लेखी स्वरूपात पाठवाव्यात. सोशल मीडियाकडून व्हायरल होणाऱ्या वेळापत्रकावर विश्वास ठेवू नये, अशा सूचना देण्यात आल्या आहे.
0 Comments