शिष्यवृत्ती परीक्षा 2027 | शाळा संलग्नता शुल्क व विद्यार्थी परीक्षा शुल्क जि. प. सेस फंडातून भरणे व शिष्यवृत्ती परीक्षा पूर्व तयारी बाबत परिपत्रक

November 02, 2022

शिष्यवृत्ती परीक्षा इ.4थी व इ.7वी २०२7 साठी मनपा / जि. प. सेस फंडातून शाळा संलग्नता शुल्क व विद्यार्थी परीक्षा शुल्क भरणेबाबत परीक्षा परिषदेचे परिपत्रक जारी

शिष्यवृत्ती परीक्षा घटक निहाय सराव टेस्ट - Click Here

प्राथमिक शिष्यवृत्ती परीक्षा (इ. 4 थी) व उच्च प्राथमिक शिष्यवृत्ती परीक्षा (इ. 7 वी) सन 2027 च्या परीक्षेचे आयोजन फेब्रुवारी 2027 मध्ये करण्यात येणार आहे. सदर शासन निर्णयानुसार शिष्यवृत्ती परीक्षा सर्व स्थानिक स्वराज्य संस्थांच्या शाळांमधील इ. 4 थी व इ. 7 वीच्या विद्यार्थ्यांसाठी बंधनकारक करण्यात आली आहे.

शासन निर्णयानुसार राज्यतील जिल्हा परिषदांतर्गत येणाऱ्या प्राथमिक शाळांच्या देखभाल व दुरूस्ती व इतर अनुषंगिक खर्चासाठी स्वउत्पन्न अंदाजपत्रकामध्ये 5% निधी राखीव ठेवण्याबाबत सूचना देण्यात आल्या असून सदर राखीव ठेवलेल्या 5% निधीमधूनच जिल्हा परिषदेच्या अधिनस्त शाळांतील इ. 4 थी व इ. 7 वी शिष्यवृत्ती परीक्षेस प्रविष्ठ विद्यार्थ्यांचे परीक्षा शुल्क व शाळा संलग्नता शुल्क भरण्याची तरतूद करण्यात मान्यता देण्यात आलेली आहे.

प्राथमिक शिष्यवृत्ती परीक्षा (इ. 4 थी) व उच्च प्राथमिक शिष्यवृत्ती परीक्षा (इ. 7 वी) सन 2027 ची अधिसूचना माहे ऑक्टोबर 2026 मध्ये प्रसिध्द करण्यात येणार असून सदर परीक्षेसाठी आपल्या अधिनस्त जिल्हा परिषद / मनपा शाळांचे शाळा संलग्नता शुल्क व विद्यार्थी आवेदनपत्र शुल्क जिल्हा परिषद सेस फंड / मनपा निधीतून भरणा करण्याची तरतूद करावी.

तसेच इ. 4 थी व इ. 7 वी 2027 शिष्यवृत्ती परीक्षेसाठी सर्व शाळांना पूर्वतयारी म्हणून शाळा माहिती प्रपत्रामध्ये शाळेची व विद्यार्थी आवेदनपत्रामध्ये (इ. 4 थी व इ. 7 वी शिष्यवृत्ती परीक्षा 2026 नुसार) परीक्षेस बसू इच्छिणाऱ्या विद्यार्थ्यांची माहिती भरून संकलित करण्यास आपल्या स्तरावरून कळवावे. सदर माहिती भरलेली प्रपत्र शाळेतच ठेवावी, जेणेकरून सदर परीक्षेची अधिसूचना प्रसिध्द होऊन ऑनलाईन लिंक उपलब्ध होताच आवेदनपत्रे ऑनलाईन भरणे सुलभ, जलद व बिनचुक होईल. त्यामुळे आपण आपल्या स्तरावरून सर्व शाळांना उपरोक्तनुसार कार्यवाही करण्यास सूचित करावे.

शिष्यवृत्ती परीक्षा २०२7 साठी विद्यार्थ्यांचे आवेदनपत्र ऑक्टोबर मध्ये भरण्यास सुरुवात होणार असल्यामुळे ज्या व्यवस्थापनांना त्यांच्या अधिनस्त शाळांमधील इ. 4थी व इ. 7वी मध्ये शिकत असलेल्या व शिष्यवृत्ती परीक्षेला प्रविष्ट होऊ इच्छिणाऱ्या विद्यार्थ्याचे प्रवेश शुल्क व परीक्षा शुल्क तसेच सहभागी होणाऱ्या शाळांचे शाळा संलग्नता शुल्काचा भरणा मनपा / जि. प. सेस फंडातून करावयाचा आहे त्यांनी उचित मान्यता घेऊन तसे परीक्षा परिषदेच्या mscescholarship@gmail.com या ईमेल आयडीवर तात्काळ कळवावे.