WhatsAppवर डीलिट केलेला मेसेज वाचणे शक्य...

एखाद्याने आपल्याला व्हॉट्सअॅपवर पाठवलेला मेसेज डीलिट केला असेल, तो मेसेज नेमका काय असावा, हा प्रश्न नक्कीच आपल्या मनात येतो. परंतु, आपल्याला हे माहित आहे का, की असा डीलिट केलेला मेसेजही आता आपण वाचू शकतो? होय, हे सत्य आहे. एखाद्याने आपल्याला पाठवलेला आणि डीलिट केलेला मेसेज आपण अगदी सहज वाचू शकणार आहोत. यासाठी एकदा का आपण Notification Histrory हे अॅप डाउनलोड केले, की झाले आपले काम!
डीलिट केलेल मेसेज पुन्हा वाचण्यासाठी नेमके काय करणे गरजेचे आहे, पाहा.
> तुमच्या फोनमध्ये व्हॉट्सअॅप इन्स्टॉल केलेले असायला हवे. > तुमच्या फोनला इंटरनेट कनेक्शन हवे.
> तुमच्या फोनचे अँड्रॉइड व्हर्जन ४.४ किटकॅटपेक्षा अधिकचे असायला हवे.
डीलिट केले गेलेले मेसेज वाचण्यासाठी हे करा:
> सर्वप्रथम प्ले स्टोअरमधून Notification History अॅप डाउनलोड करा.
> हे अॅप ओपन करा आणि त्यातील नोटिफिकेशन आणि अॅडमिनिस्ट्रेटर अॅक्सेस सुरू करा.
> यानंतर हे अॅप तुमची नोटिफिकेशन हिस्ट्री रॅकॉर्ड करायला सुरू करेल. त्यानंतर हे अॅप उघडा आणि व्हॉट्सअॅप आयकॉनवर क्लिक करा.
> पुढे तुम्हाला पाठवलेला मेसेज ज्याने डीलिट केला, त्याचे कॉन्टॅक्ट सर्च करा. यानंतर तुम्ही सहजपणे डिलिट केलाला मेसेज पाहू शकाल.
मेसेजिंग अॅप WhatsApp ने २०१७च्या नोव्हेंबरमध्ये डीलिट फॉर एव्हरीवन फीचर लॉन्च केले होते. आपल्याला नको असलेला मेसेज चुकून एखाद्याला पाठवला असल्यास या अॅपद्वारे तो आपण डीलिट करू शकत होतो. सुरूवातीला डीलिट करण्याचे टाइम लिमिट होते ७ मिनिट. त्यानंतर त्यात वाढ करत ते ६८ मिनिटांवर नेण्यात आले. या अॅपमुळे सर्वांनाच आनंद झाला होता. नको असलेले मेसेज पाठवल्यानंतर होणारी नाचक्की या मुळे होणार नव्हती. मात्र Notification History अॅपमुळे आता ही परिस्थिती राहिलेली नाही.