रक्षाबंधन निमित्ताने खास कविता :- नातं बहीण भावाचं..!!
------------------------------
आजचा सण हा पवित्र राखीचा
क्षण भावाबहिणीच्या आनंदाचा
नूसताच धागा नसतो हा सूताचा
बंध हा बहीण भावाच्या प्रेमाचा।।
नाते निर्मळ मनाचे हे रक्षाबंधनाचे
आठवण काढी दिवस बालपणीचे
बहीण मोठी असेल तर वाटे आई
हाक मारतांना शब्द गोडच ताई।।
काटा जरी रूतला तिच्या भावाला
अश्रू वेड्या बहीणीच्या डोळ्याला
हसणं खेळणं लहानपणीचे ते क्षण
खूप छान वाटे जेव्हा करी औक्षणं।।
किती छान आहे ना हे पवित्र बंधन
माया प्रेम आपूलकीचेच हे गोंदन
सुख दुख सांगाया बहीण हवी एक
जीवनाचा मार्ग सांगी ती सदा नेक।।
लग्न होवूनी जेव्हा ती जाते सासरी
फक्त आठवणी उरते तिच्या माघारी
बहीणीच्या प्रेमाचा आटत नाही झरा
दूरही असली तरी मन भावाच्या घरा ।।
ज्याला नाही बहीण त्याने जोडावी
सख्खीच असावी रितच हि मोडावी
बहीणीची माया कूणालाच न येई
आई नंतर जगात तीच खरी माई।।
देहाने कूठेही असो मन सदा माहेरी
कसा असेल भाऊ हेच तिच्या अंतरी
भाऊ मोठ्ठा व्हावा हिच तिची अपेक्षा
भावाने करू नये कधी तिची उपेक्षा।।
दोघात कधी न येवो संपत्तीचा वाद
परमेश्वर चरणी आज घाला हि साद
बहीणीसाठी करावं सर्व काही अर्पन
आशीर्वाद तिचा घ्या हेच खरं तर्पन।।
*धन्यवाद..........🌹🙏*
*लेखन रचना:- राम धोटे सावनेर जि नागपूर*
📞9767819346,7798096929
0 Comments