प्रधानमंत्री पोषण शक्ती निर्माण योजनेंतर्गत वाटाणा वाटपाची माहिती सादर करणेबाबत

July 25, 2026

सभागृहात दिलेल्या आश्वासनाच्या अनुषंगाने मा. प्रधान सचिव, शालेय शिक्षण यांच्या अध्यक्षतेखाली गठीत करण्यात आलेल्या चौकशी समितीची दि.२९/०५/२०२६ रोजी आयोजित केलेल्या बैठकीचे इतिवृत्ताच्या अनुषंगाने प्रधानमंत्री पोषण शक्ती निर्माण योजनेंतर्गत वाटाणा वाटपासंबंधित माहिती सादर करणेबाबत.

प्रधानमंत्री पोषण शक्ती निर्माण योजनेंतर्गत सन २०२५-२६ या वर्षात आपले जिल्ह्यांतील पात्र असणाऱ्या शाळांमध्ये धान्यादी मालाचे वाटप जिल्हानिहाय नियुक्त पुरवठेदाराकडून करण्यात आलेले असून सदर वाटपामधील वाटाणा वाटपाच्या संदर्भातील माहिती शाळेचे मुख्याध्यापक व गटशिक्षणाधिकारी यांच्या स्वाक्षरीने खालीलप्रमाणे सादर करावी.

१. शाळास्तरावर करावयाची कार्यवाही मुख्याध्यापकांनी सोबत जोडलेल्या प्रपत्र ड मध्ये सन २०२५-२६ या कालावधीमध्ये वाटाणा संदर्भाती माहिती अचूकरित्या भरुन शाळेचे मुख्याध्यापक, केंद्रप्रमुख व गटशिक्षणाधिकारी यांच्या स्वाक्षरीने जिल्हास्तरावर सादर करावी.

२. जिल्हास्तरावर करावयाची कार्यवाही जिल्ह्यातील सर्व शाळांकडून प्रपत्र-ड मधील माहिती जिल्ह्यांनी तात्काळ प्राप्त करुन घ्यावी. तसेच संकलित केलेले प्रपत्र-ड आपल्या स्तरावर जतन करुन ठेवण्यात यावे. प्राप्त झालेल्या सर्व शाळांची प्रपत्र-ड मधील माहिती प्रपत्र-क मध्ये भरुन केवळ प्रपत्र-क पीडीएफ स्वरुपातील व सॉफ्ट कॉपी ई-मेल द्वारे (Email Id- mdmdep@gmail.com) दिनांक ३१ जुलै, २०२६ पर्यंत शिक्षण संचालनालयास सादर करण्याची करण्यात यावी.