National Teacher Award 2024 announced | राष्ट्रीय शिक्षक पुरस्कार 2024 जाहीर. महाराष्ट्रातील 2 शिक्षकांचा समावेश.

केंद्रीय शासनातर्फे दिल्या जाणाऱ्या राष्ट्रीय शिक्षक पुरस्काराची (National Teacher Award) घोषणा करण्यात आली असून महाराष्ट्रातील मंतैय्या बेडके, सागर बगाडे (maitaiah bedke, sagar bgade) या दोन शिक्षकांना 2024 चा राष्ट्रीय शिक्षक पुरस्कार जाहीर झाला आहे. राष्ट्रीय शिक्षक पुरस्कार 2024 साठी निवड झालेल्या शिक्षकांचा पुरस्कार सोहळा 5 सप्टेंबर 2024 रोजी विज्ञान भवन, नवी दिल्ली येथे होणार आहे.

सन 2023 मधील राष्ट्रीय शिक्षक पुरस्कार प्राप्त शिक्षकांविषयी माहिती जाणून घ्या - Click Here

प्रत्येक पुरस्कारामध्ये गुणवत्तेचे प्रमाणपत्र, रोख पुरस्कार आहे.  50,000/- आणि एक रौप्य पदक.  हॉटेल 'द अशोक', 50-बी, डिप्लोमॅटिक एन्क्लेव्ह, चाणक्यपुरी, नवी दिल्ली 110021 (फोन: 011-26110101) येथे 3 सप्टेंबर (दुपारी) ते 6 सप्टेंबर 2024 (दुपारी) पर्यंत राहण्याची आणि जेवण्याची व्यवस्था करण्यात आली आहे.  3 सप्टेंबर 2024 रोजी संध्याकाळी 5.00 वाजता हॉटेल अशोक, नवी दिल्ली येथे एक संक्षिप्त बैठक आयोजित केली जाईल.

देशातील 50 शिक्षकांची राष्ट्रीय शिक्षक पुरस्कारासाठी निवड करण्यात आली असून यामध्ये महाराष्ट्रातील दोन शिक्षकांचा समावेश आहे. गडचिरोली येथील मंतैह बेडके व कोल्हापूर येथील सागर बगाडे यांची राष्ट्रीय शिक्षक पुरस्कारासाठी निवड करण्यात आली आहे. 

राष्ट्रीय शिक्षक पुरस्कार विषयी माहिती वाचा

1) राष्ट्रीय शिक्षक पुरस्कारासाठी ऑनलाईन नोंदणी करण्यासाठी येथे टच करा.

2) शिक्षकांना राष्ट्रीय पुरस्कार देण्यामागील उद्देश❓

3) राष्ट्रीय शिक्षक पुरस्कारासाठी कोणते शिक्षक अर्ज करु शकतात? शिक्षकांच्या पात्रतेच्या अटी पहा. 

4) राष्ट्रीय शिक्षक पुरस्कार निवडीसाठी वेळापत्रक 

5) राष्ट्रीय पुरस्कारासाठी शिक्षकांच्या मूल्यमापनाचे निकष❓

राष्ट्रीय शिक्षक पुरस्कार 2024 निवड यादी - Click Here

National Teacher Award 2024 selection list

राष्ट्रीय शिक्षक पुरस्कार  2024 साठी निवड झालेल्या महाराष्ट्रातील शिक्षकांची माहिती

National Teacher Award 2024 announced

1) ΜΑΝΤAIAH CHINNI BEDKE मंतैय्या बेडके

Z. P. UPEER PRIMZRY DIGITAL SCHOOL JAJAVANDI,  GADCHIROLI, MAHARASHTRA

गडचिरोलीच्या मांतय्या चिन्नी बेडके यांना राष्ट्रीय शिक्षक पुरस्कार जाहीर

गडचिरोली : एटापल्ली तालुक्यातील जाजावंडी येथील जिल्हा परिषद उच्च प्राथमिक शाळेचे शिक्षक मांतय्या बेडके यांना राष्ट्रीय शिक्षक पुरस्कार जाहीर झाला आहे. 

जिल्हा परिषदेच्या मुख्य कार्यकारी अधिकारी आयुषी सिंह तसेच शिक्षणाधिकारी बाबासाहेब पवार यांनी श्री बेडके यांचे अभिनंदन केले आहे.

अतिदुर्गम भाग, शिक्षणाबाबत पालकांसह मुलांमध्येही रुची नव्हती. ६०० लोकसंख्येचे गाव असतानाही इयत्ता पहिली ते चौथीपर्यंत पटावर फक्त ७ विद्यार्थी. त्यातही ४ विद्यार्थी शाळेत यायचे तर ३ विद्यार्थी पालकांसमवेत शेतीकामे किंवा जंगलात वनोपज गोळा करायला जायची. अशा स्थितीत ७ विद्यार्थ्यांवरून १४० विद्यार्थी पटसंख्येचा आकडा गाठणे, हे जिकरीचे कार्य; पण हे कार्य करून विद्यार्थी गुणवत्तेवर भर देत शाळेचा कायापालट केला, याच कार्याची पावती त्या शिक्षकाला मिळाली. एटापल्ली तालुक्याच्या जाजावंडी जि.प. शाळेचे शिक्षक मांतय्या चिन्नी बेडके यांची राष्ट्रीय पुरस्कारासाठी मंगळवारी निवड झाली.

मूलभूत सोयीसुविधांचाही अभाव गावामध्ये आहे. अशाही स्थितीत मांतय्या बेडके हे २०१०-११ पासून तेथे कार्यरत आहेत.

१५० प्रौढांना केले साक्षर

शिक्षक बेडके यांनी जाजावंडी येथील निरक्षर पालकांची समस्या लक्षात घेऊन त्यांना साक्षर करण्याचे ठरविले. त्यानुसार त्यांनी दोन स्वयंसेवक सोबतीला घेऊन प्रोंडांना साक्षर करण्यास सुरुवात केली. १५० प्रौढ साक्षरसुद्धा झाले.

शाळाबाह्य ३० मुले दत्तक

शिक्षक मांतय्या बेडके यांनी शाळाबाह्य ३० मुलांना दत्तक घेतले. त्या मुलांची शाळा परिसरातच निवास व जेवणाची सोय केली. येथे राहून ती मुले शिकू लागली. यासाठी त्यांना गावातील काही पालकांचेसुद्धा सहकार्य लाभले.

हे उपक्रम राबविले

क्रमिक अभ्यासक्रमासोबतच शिक्षक बेडके यांनी शाळेच्या सौंदर्याकरणावर भर दिला. एवढेच नाही तर वनभोजन, क्षेत्रभेट उपक्रम राबविले. विद्यार्थ्यांचा क्रीडा स्पर्धामध्ये सहभाग, शिष्यवृत्ती परीक्षेबाबत मार्गदर्शन असे विविध उपक्रम राबविले. 

2) SAGAR CHITTARANJAN BAGADE सागर बगाडे

SOU S. M. LOHIA HIGHSCHOOL AND JUNIOR COLLEGE KOLHAPUR, MAHARASHTRA

चित्रकार, रंगकर्मी, नृत्यकर्मी व स. म. लोहिया हायस्कूलमधील कलाशिक्षक सागर चित्तरंजन बगाडे (रा.पाचगाव, ता. करवीर) यांना मंगळवारी 'राष्ट्रीय आदर्श शिक्षक पुरस्कार' जाहीर झाला.

पंढरपूर येथील प्रार्थना समाजाकडून चालविण्यात येणाऱ्या वा. बा. नवरंगे बालकाश्रमातील अनाथ म्हणून जगण्याची सुरुवात केलेल्या सागर यांना जीवनाच्या सुरुवातीला अनेक संघर्षाला सामोरे जावे लागले; परंतु त्यांनी हिमतीने जीवन घडवले व बालकल्याण संकुलातील अनेक मुलांच्या जीवनात आनंद पेरण्यासाठी ते सतत धडपड करत राहिले. पंढरपूरच्या बालकाश्रमातील मुलांसाठी त्यांनी अनेक वर्षे 'मामाचा गाव' हा उपक्रम राबवून त्यांच्या गुणांना संधी दिली. आपण ज्या संस्थेतून घडलो, त्या संस्थेतील राज्यभरातील मुलांसाठी काहीही करायचे झाल्यास बगाडे सगळ्यात पुढे राहिले आहेत. हे त्यांचे काम या पुरस्काराइतकेच मोलाचे आहे. बगाडे हे गेली २४ वर्षे स. म. लोहिया हायस्कूलमध्ये कलाशिक्षक म्हणून कार्यरत आहेत. विद्यार्थ्यांसोबत त्यांनी शिवाजी महाराजांवर आधारित सादरीकरण तसेच महाराष्ट्रातील पाच दैवते या दोन विषयांवर एशिया पॅसिफिक बुक ऑफ वर्ल्ड रेकॉर्डमध्ये दोनवेळा रेकॉर्ड केला आहे. 

सागर बगाडे हे स्वतः उत्तम चित्रकार, रंगकर्मी व नृत्यदिग्दर्शक आहेत. सार्थक क्रिएशन या नृत्यसंस्थेच्या माध्यमातून त्यांनी अनेक कलाकार घडवले आहे. त्यांच्या विद्यार्थ्यांनी राष्ट्रीय व आंतरराष्ट्रीय पातळीवर नावलौकिक गाजवला आहे. यासह ते कोल्हापुरातील सांस्कृतिक, सामाजिक, शैक्षणिक क्षेत्रात अनाथ व निराधार बालके, सेक्सवर्कर अशा वंचित घटकांसाठी काम केले आहे. महापुरात नागरिकांच्या बचावकार्यात ते सहभागी होते.

या पुरस्कारासाठी जुलै महिन्यात राष्ट्रीय पातळीवरून प्रस्ताव मागविण्यात आले होते. जिल्हा, राज्य व केंद्र स्तरावरील मुलाखती, छाननीनंतर अंतिम फेरीसाठी राज्यातील ६ शिक्षकांची निवड झाली होती. त्यामधून कोल्हापुरातील सागर बगाडे व गडचिरोली येथील मंतैय्या बेडके यांना पुरस्कार जाहीर झाला.