कविता - शिक्षकांशी प्रेमाने वागा

कविता - शिक्षकांशी प्रेमाने वागा

शिक्षक आहे आजही

आपल्या राष्ट्राचा कणा

बोलतांना त्यांच्याशी जरा

तुम्ही सौम्य बना.

बोलू नका उठसुठ
त्यांच्या पगाराबद्दल
व्याज खात नाही तो
खातो फक्त मुद्दल.

http://bit.ly/read-more-poems

सांगा शिक्षकाची आहे का
दोन नंबरची वाट
बोलतांना त्यांच्याशी
भाषा वापरू नका ताठ

वीस पंचवीस वर्षे
बिचारा पुस्तकात घालतो
थोडा पगार त्याचा अधिक
तरी का डोळ्यात सलतो

http://bit.ly/read-more-poems

जगू द्या त्यालाही
आता सुटबुटात
इमानदारीने अन्न असते
केवळ त्याच्यां ताटात

शिक्षकांच्या मार्गदर्शनाने आज
झाले सारी अधिकारी
सांगा मग त्यांची कमाई
आहे का हो भारी

दोन पैसा जास्त घेऊन
जर उंचावेल त्यांचे जीवनमान
यातुन बघा मग
होतील डॉक्टर वकील
अजून खूप महान.

शिक्षकांशी आदराने वागून
सोडा भाषा अरेरावी
लक्षात असू द्या
तोच घडवितो ही पिढी भावी

http://bit.ly/read-more-poems