मुख्यमंत्री माझी शाळा, सुंदर शाळा' टप्पा -2 निकाल जाहीर, पारितोषिकाचा निधी वितरीत करणेबाबत

राज्यातील सर्व माध्यमांच्या व सर्व व्यवस्थापनांच्या शाळांकरिता 'मुख्यमंत्री माझी शाळा, सुंदर शाळा' टप्पा -2 हे अभियान राबविण्यात आले. 'मुख्यमंत्री माझी शाळा, सुंदर शाळा अभियान' टप्पा -2 चा निकाल जाहीर करण्यात आला आहे. धानोरे शासकीय शाळा आणि प्रभात किड्स स्कूल सोमठाणा राज्यातून प्रथम

माझी शाळा सुंदर शाळा अभियानाचा उद्देश

• शाळांमध्ये स्पर्धात्मक वातावरण निर्माण होऊन विद्यार्थ्यांचा सर्वांगीण विकास व्हावा तसेच आनंददायी आणि प्रेरणादायी वातावरण मिळावे म्हणून भारतरत्न डॉ. बाबासाहेब आंबेडकर आदर्श शाळा योजनेंतर्गत 'मुख्यमंत्री माझी शाळा, सुंदर शाळा' अभियान राबविण्यास मान्यता

मुख्यमंत्री माझी शाळा, सुंदर शाळा अभियानाचा दुसरा टप्पा निकाल जाहीर

मुख्यमंत्री माझी शाळा, सुंदर शाळा हा एक अनोखा उपक्रम आहे, जो महाराष्ट्रातील शालेय शिक्षणात सुधारणा करण्याच्या दृष्टीने महत्त्वपूर्ण पाऊल आहे. शालेय शिक्षणमंत्री दीपक केसरकर यांनी या अभियानाच्या दुसऱ्या टप्प्याची यशस्वी पूर्तता जाहीर केली, ज्यामध्ये राज्यातील विविध शाळांनी सहभाग घेतला. खासकरून, धानोरेच्या जिल्हा परिषद प्राथमिक शाळेने शासकीय गटात प्रथम क्रमांक पटकावला, तर खाजगी गटात प्रभात किड्स स्कूल, सोमठाणा यांना राज्यात पहिल्या क्रमांकाचे पारितोषिक मिळाले.

माझी शाळा सुंदर शाळा अभियान टप्पा -2 

• 'मुख्यमंत्री माझी शाळा, सुंदर शाळा अभियान' हे अभियान ४५ दिवसांमध्ये राबविण्यात येणार. या अभियानातील विविध उपक्रमांसाठी १५० गुण देण्यात आले होते. 

• कालावधी - मुख्यमंत्री माझी शाळा, सुंदर शाळा अभियान २९ जुलै ते १५ सप्टेंबर २०२४ पर्यंतच्या कालावधीत राबविण्यात आले. या उपक्रमात सुमारे ९८ हजार शाळांमधील १ कोटी ९१ लाख विद्यार्थी आणि ६ लाख ६० हजार शिक्षक सहभागी झाले.

माझी शाळा,सुंदर शाळा अभियान टप्पा 2 विजेत्या शाळांची यादी आणि पारितोषिके

माझी शाळा सुंदर शाळा अभियानाच्या दुसऱ्या टप्प्यात शासकीय आणि खाजगी शाळांची यादी आज जाहीर करण्यात आली, ज्यात धानोरे जिल्हा परिषद प्राथमिक शाळा आणि प्रभात किड्स स्कूल सोमठाणा यांनी राज्य पातळीवर प्रथम क्रमांक मिळवला.

शासकीय गटातील विजेतेः धानोरे जिल्हा परिषद प्राथमिक शाळा प्रथम क्रमांकावर राहिली.

खाजगी गटातील विजेतेः प्रभात किड्स स्कूल, सोमठाणा प्रथम क्रमांकावर राहिली.

मुख्यमंत्री माझी शाळा, सुंदर शाळा अभियानाचा दुसरा टप्पा निकाल संपूर्ण यादी - Click Here

राज्य, विभाग व जिल्हास्तर निकाल यादी पहा. Click Here

मुख्यमंत्री माझी शाळा, सुंदर शाळा टप्पा-2 या अभियानासाठी पारितोषिकाचा निधी वितरीत करण्यास मान्यता देणेबाबत 

दि. २६.०७.२०२४ रोजीच्या शासन निर्णयान्वये राज्यातील सर्व माध्यमांच्या व सर्व व्यवस्थापनांच्या शाळांकरीता मुख्यमंत्री माझी शाळा, सुंदर शाळा टप्पा-२ हे अभियान राबविण्यास मान्यता प्रदान करण्यात आली आहे. त्याचप्रमाणे या अभियानांतर्गत सदर शासन निर्णयान्वये शासकीय शाळा व अन्य व्यवस्थापनांच्या शाळा या दोन्ही वर्गवारींकरिता स्वतंत्रपणे विविध स्तरांवरील विजेत्या शाळांसाठी रु.७३.८२ कोटी इतक्या रकमेची पारितोषिके प्रदान करण्यास मान्यता देण्यात आली आहे. हे अभियान पूर्ण झाले असून अभियानाचा राज्यस्तरीय पारितोषिक वितरण समारंभ दि.१४.१०.२०२४ रोजी संपन्न झाला आहे. सदर अभियानांतर्गत शासकीय शाळा व अन्य शाळा या दोन वर्गवारीतून स्वतंत्रपणे विविध स्तरावरील विजेता शाळांना पारितोषिकाची रक्कम प्रदान करण्यासाठी रु. ४९.८५ कोटी इतका निधी सं.क्र.४ येथील शासन निर्णयान्वये वितरीत केला असून उर्वरीत रु.२३.९७ (अक्षरी रु. तेवीस कोटी सत्यान्नव लक्ष) इतका निधी वितरीत करण्याची बाब शासनाच्या विचाराधीन होती.

शासन निर्णयः-

मुख्यमंत्री माझी शाळा, सुंदर शाळा अभियान टप्पा-२ अंतर्गत शासकीय शाळा व अन्य शाळा या दोन वर्गवारीतून स्वतंत्रपणे विविध स्तरावरील विजेता शाळांना पारितोषिकाची रक्कम प्रदान करण्यास शासनाची मान्यता प्रदान करण्यात येत आहे.

२. या संदर्भात होणारा खर्च "मागणी क्र. ई-०२, २२०२, सर्वसाधारण शिक्षण, ०१ प्राथमिक शिक्षण, १०१, शासकीय प्राथमिक शिक्षण, (००) (०१) राज्यात आदर्श शाळा विकसित करणे (कार्यक्रम) (२२०२ जे ०७२) ५०, इतर खर्च" या लेखाशिर्षाखालील सन २०२४-२५ च्या मंजूर तरतूदीमधून भागविण्यात यावा. यासाठी आयुक्त (शिक्षण) यांना नियंत्रक अधिकारी व लेखाधिकारी, प्राथमिक शिक्षण संचालनालय, पुणे यांना आहरण व संवितरण अधिकारी म्हणून घोषित करण्यात आले आहे.

सदरचे अनुदान ज्या प्रयोजनासाठी मंजूर व वितरीत करण्यात आले आहे त्याच प्रयोजनासाठी ते खर्च करण्यात यावेत.

६. सदर अनुदान सशर्त असून त्याच्या अटी व शर्ती शासन निर्णयात नमूद करण्यात आल्या आहेत.

७. सदर शासन निर्णय नियोजन विभागाचा अनौपचारीक संदर्भ क्र. ४६९/२४, दि.२९.११.२०२४ तर वित्त विभागाचा अनौपचारीक संदर्भ क्र.१३८५/व्यय-५. दि.१९.१२.२०२४ व संदर्भ क्र.१४६७/व्यय-५. दि.२७.१२.२०२४ अन्वये प्राप्त झालेल्या त्या विभागांच्या सहमतीने तथा सक्षम प्राधिकाऱ्याच्या मान्यतेने निर्गमित करण्यात येत आहे.

८. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०१०९१६४१३००७२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.

मुख्यमंत्री माझी शाळा, सुंदर शाळा टप्पा-2 या अभियानासाठी पारितोषिकाचा निधी वितरीत करण्यास मान्यता देणेबाबत शासन निर्णय डाउनलोड करा - Click Here