MDM Portal - MDM Daily attendance | प्रधानमंत्री पोषणशक्ती निर्माण योजनेअंतर्गत लाभार्थी विद्यार्थीची दैनंदिन उपस्थिती माहितीची पडताळणी करणेबाबत

March 26, 2024

प्रधानमंत्री पोषणशक्ती निर्माण योजनेअंतर्गत शाळांनी ऑनलाईन भरलेल्या लाभार्थी विद्यार्थीची दैनंदिन उपस्थिती माहितीची पडताळणी करण्यात येणार आहे.

MDM Back Dated Entry Tab update - Click Here

प्रधानमंत्री पोषण शक्ती निर्माण योजनेंतर्गत पात्र शाळेतील विद्यार्थ्यांना पोषण आहाराचा लाभ नियमितपणे देण्यात येतो. सदर लाभाची दैनंदिन माहिती राज्यामधील प्रत्येक जिल्ह्यातील शाळांनी शासनाने सरल प्रणालीअंतर्गत विकसित केलेल्या एम.डी.एम पोर्टलवर भरणे आवश्यक आहे. शाळांनी दैनंदिन नोंदविलेली उपस्थितीची माहिती केंद्र शासनाच्या Automated Monitoring System प्रणालीवर दर्शविण्यासाठी पाठविण्यात येते. सदर प्रमाणे भरलेल्या माहितीचे केंद्र शासनाद्वारे दैनंदिन तपासणी केली जाते. तथापि, जिल्ह्यातील सर्व शाळांद्वारे सदर प्रमाणे माहिती नियमितपणे भरली जात नसल्याचे निदर्शनास येत आहे. त्यामुळे केंद्र शासनाच्या दैनंदिन AMS अहवालामध्ये राज्यातील विद्यार्थी पोषण आहारापासून वंचित असल्याचे दिसून येत आहे.

त्यामुळे प्रधानमंत्री पोषणशक्ती निर्माण योजनेअंतर्गत लाभ दिलेल्या विद्यार्थीची दैनंदिन माहिती विहीत कालावधीत त्याच दिवशी भरण्याबाबत सर्व मुख्याध्यापक/शाळाप्रमुखांना सर्व शिक्षणाधिकारी (प्राथमिक) यांनी सूचना द्याव्यात असे शिक्षण संचालक यांनी पाठविलेल्या परिपत्रकात म्हटले आहे. तसेच प्रधानमंत्री पोषण शक्ती निर्माण योजनेंतर्गत पात्र शाळेतील विद्यार्थ्यांना पोषण आहाराचा लाभ दिलेल्या विद्यार्थीची दैनंदिन माहिती विहीत कालावधीत भरणेबाबतचे सनियंत्रण गटशिक्षणाधिकारी /अधीक्षक शालेय पोषण आहार यांनी करावे.