ST Bus Helpline 1800 221 251 : विद्यार्थ्यांसाठी एसटीची नवी हेल्पलाइन सुरु | हेल्पलाईन क्रमांक - 1800 221 251

ST Bus Helpline 1800 221 251 : विद्यार्थ्यांसाठी एसटीची नवी हेल्पलाइन सुरु! ST Bus Helpline: विद्यार्थ्यांच्या प्रवासासाठी एसटी महामंडळाचा मोठा निर्णय, आता एका कॉलवर मिळणार मदत

विद्यार्थ्यांच्या सुरक्षाविषयक उपाययोजनांची काटेकोर अंमलबजावणी करणेबाबत शासन निर्णय - Click Here

महाराष्ट्र राज्य मार्ग परिवहन महामंडळाने (MSRTC) ग्रामीण आणि शहरी भागातील विद्यार्थ्यांच्या सुरक्षित आणि वेळेवर प्रवासासाठी एक अत्यंत महत्त्वाचे पाऊल उचलले आहे. अनेकदा एसटी बसेस वेळेवर न आल्यामुळे किंवा अचानक रद्द झाल्यामुळे विद्यार्थ्यांचे तास बुडतात आणि शैक्षणिक नुकसान होते. या समस्येवर कायमस्वरुपी तोडगा काढण्यासाठी महामंडळाने 1800 221 251 ही विशेष हेल्पलाइन सेवा सुरु केली आहे.

शाळा आणि महाविद्यालयातील विद्यार्थ्यांना प्रवासादरम्यान एसटी बस वेळेवर न मिळणे, बस अचानक रद्द होणे किंवा नादुरुस्त होणे अशा समस्या येत असल्यास, आता त्यांना 1800 221 251 या हेल्पलाइन क्रमांकावर संपर्क साधता येणार आहे. परिवहन मंत्री तथा एसटी महामंडळाचे अध्यक्ष यांनी विद्यार्थ्यांना त्वरित मदत मिळावी यासाठी हा निर्णय घेतला आहे. बसच्या गैरव्यवस्थापनामुळे विद्यार्थ्यांचे शैक्षणिक नुकसान झाल्यास संबंधित आगार व्यवस्थापक आणि पर्यवेक्षकांवर निलंबनाची कारवाई करण्याचे आदेशही देण्यात आले आहेत.

का तयार करण्यात आली हेल्पलाईन ची सुविधा

परिवहन मंत्री प्रताप सरनाईक यांनी नुकतीच धाराशिव मध्यवर्ती बसस्थानकाला भेट दिली. यावेळी तेथील विद्यार्थी-विद्यार्थिनींनी आपल्या व्यथा मंत्र्यांसमोर मांडल्या.

• बसेस वेळेवर न सुटणे.
• गर्दीमुळे बस थांब्यावर न थांबवणे.
• बस अचानक रद्द होणे.
• शाळा सुटल्यानंतर घरी पोहोचण्यास उशीर होणे.

या तक्रारींची गंभीर दखल घेत मंत्र्यांनी तत्काळ हेल्पलाइन सुरु करण्याचे निर्देश दिले. शाळा सुटल्यानंतर किमान एक तासात विद्यार्थी घरी पोहोचणे अपेक्षित असते, मात्र अनियमित बसेसमुळे हे शक्य होत नसल्याचे समोर आले आहे.

ST Bus Helpline 1800 221 251 : विद्यार्थ्यांसाठी एसटीची नवी हेल्पलाइन सुरु | हेल्पलाईन क्रमांक - 1800 221 251

अधिकाऱ्यांवर होणार कडक कारवाई

विद्यार्थ्यांचे शैक्षणिक नुकसान खपवून घेतले जाणार नाही, असे स्पष्ट संकेत प्रशासनाने दिले आहेत.

जबाबदारी: बस उशिरा सुटल्यास किंवा रद्द झाल्यास संबंधित आगार व्यवस्थापक (Depot Manager) आणि पर्यवेक्षक (supervisor) यांना जबाबदार धरले जाईल.

निलंबन: जर बसच्या गैरव्यवस्थापनामुळे विद्यार्थ्यांचे तास चुकले किंवा परीक्षेला मुकावे लागले, आणि तशी तक्रार मुख्याध्यापकांनी केली, तर जितके दिवस नुकसान झाले तितके दिवस संबंधित अधिकाऱ्याला निलंबित किंवा सक्तीच्या रजेवर पाठवण्यात येईल.

संध्याकाळचे नियोजनः सोमवार ते शुक्रवार संध्याकाळी 5 ते 6 या गर्दीच्या वेळेत पर्यवेक्षकांनी गणवेशात थांब्यावर हजर राहून वाहतूक नियोजन करणे अनिवार्य केले आहे. जोपर्यंत शेवटचा विद्यार्थी बसने रवाना होत नाही, तोपर्यंत पर्यवेक्षकांनी जागा सोडू नये, असे सक्त आदेश आहेत.

एसटी बस हेल्पलाइन वापरण्याची प्रक्रिया (How to Use  ST Bus Helpline)

जर तुम्हाला एसटी बसची समस्या येत असेल, तर खालीलप्रमाणे मदत मिळवाः

1. हेल्पलाइनवर कॉल करा: तुमच्या मोबाईलवरुन 1800 221 251 या टोल-फ्री क्रमांकावर संपर्क साधा.

2. माहिती द्याः तुमचे नाव, शाळेचे नाव, बस स्थानक, आणि बसची वेळ याची स्पष्ट माहिती कॉल सेंटरला द्या.

3. स्थानिक संपर्क: शाळा आणि महाविद्यालयांना राज्यातील 31 विभागांतील विभाग नियंत्रकांचे (Divisional Controllers) थेट नंबर देण्यात येत आहेत. आपत्कालीन परिस्थितीत प्राचार्य किंवा विद्यार्थी थेट त्यांच्याशीही संपर्क साधू शकतात.

4. तक्रार नोंदवाः बस रद्द झाली असल्यास किंवा नादुरुस्त असल्यास तशी तक्रार नोंदवा, जेणेकरून पर्यायी व्यवस्था करता येईल.

एसटी पास सवलती आणि योजना (Student Pass Schemes)

राज्य शासन विद्यार्थ्यांच्या शिक्षणासाठी एसटी प्रवासात मोठी सवलत देतेः

1. मासिक पास सवलतः सर्व शालेय विद्यार्थ्यांना मासिक पासमध्ये 66.66 टक्के सवलत दिली जाते.

2. मोफत पासः पुण्यश्लोक अहिल्याबाई होळकर योजनेंतर्गत इयत्ता 12 वी पर्यंतच्या मुलींना 100% मोफत पास दिला जातो.