प्रि-मॅट्रिक | पोस्ट मॅट्रिक अल्पसंख्यांक शिष्यवृत्ती संपूर्ण माहिती | आवश्यक कागदपत्रे | रजिस्ट्रेशन लिंक | pre matric / post matric minority scholarship Registration link

August 03, 2022

अल्पसंख्यांक शिष्यवृत्ती माहिती | आवश्यक कागदपत्रे | रजिस्ट्रेशन लिंक | pre matric / post matric minority scholarship Registration link

New Registration and Renewal Application link - Click Here

प्री - मॅट्रिक शिष्यवृत्ती योजना ही अल्पसंख्याक कार्य मंत्रालय, भारत सरकारद्वारे पुरस्कृत योजना आहे. सदर योजना राज्यात शालेय शिक्षण विभागातंर्गत संचालक, अल्पसंख्याक व प्रौढ शिक्षण संचालनालय, पुणे यांच्यामार्फत राबविण्यात येते. या योजनेंतर्गत शासकीय वा खाजगी शाळेत इ. १ ली ते १० वी मध्ये शिकत असलेल्या अल्पसंख्याक विद्यार्थ्यांना शिष्यवृत्ती देण्यात येते. सदर योजनेंतर्गत पात्र ठरण्यासाठी विद्यार्थ्यांच्या पालकांचे वार्षिक उत्पन्न रु. १.०० लाखापेक्षा कमी असणे आवश्यक असून, मागील वर्षात विद्यार्थ्यांनी ५०% पेक्षा अधिक गुण प्राप्त केलेले असणे आवश्यक आहे.

अल्पसंख्यांक शिष्यवृत्ती फॉर्म 2022-23 साठी आवश्यक कागदपत्रे कोणती❓- Click Here

प्रि-मॅट्रिक / पोस्ट मॅट्रिक शिष्यवृत्ती योजना पुर्णपणे केंद्र पुरस्कृत असून शालेय शिक्षण व क्रीडा विभागामार्फत दरवर्षी राबविण्यात येते. धार्मिक अल्पसंख्याक विद्यार्थ्याच्या कल्याणासाठी मा. पंतप्रधान यांनी घोषित केलेल्या 15 कलमी कार्यक्रमानुसार राज्यातील मुस्लिम, ख्रिश्चन,बौध्द शीख, पारसी व जैन या धार्मिक अल्पसंख्याक इयत्ता 1 ली ते 10 वीच्या वर्गामध्ये शिकणाऱ्या गुणवत्ताधारक विद्यार्थ्याना केंद्र शासनाव्दारे प्रि-मॅट्रिक शिष्यवृत्ती देण्यात येत आहे. यानंतर पोस्ट मॅट्रिक शिष्यवृत्ती देण्यात येते.

इयत्ता 1 ली ते 10 वीच्या सर्व शासकीय/निमशासकीय/खाजगी अनुदानित/विना अनुदानित/कायम विना अनुदानित व स्वयं अर्थ सहाय्यित मान्यताप्राप्त शाळांकडून शिक्षण घेणाऱ्या अल्पसंख्याक विद्यार्थ्यांसाठी ही योजना लागू आहे. अर्जदार विद्यार्थी मागील वर्षी 50 टक्के पेक्षा जास्त गुणाने उतीर्ण झालेला असून फक्त इयत्ता 1 लीच्या विद्यार्थ्यांसाठी गुणांची अट लागू राहणार नाही. तसेच पालकांचे वार्षिक उत्पन्न रु. 1 लाखांपेक्षा कमी असावे. एका कुटुंबातील 2 पेक्षा जास्त विद्यार्थ्यांना शिष्यवृत्ती मिळणार नाही. अर्ज भरताना विद्यार्थ्यांचा धर्म, कुटुंबाचे उत्पन्न, गुण व टक्केवारी इत्यादी माहिती अचूक भरुन धर्म, उत्पन्न, गुणपत्रक, आधारकार्ड, आधार नोंदणी पावती, विद्यार्थ्यांचा फोटो, बँक पासबुकच्या पहिल्या पानाची प्रत इत्यादी कागदपत्रे मुख्याध्यापकांना सादर करावीत. पालकांचे वार्षिक उत्पन्नाचे प्रमाणपत्र हे सक्षम अधिकाऱ्यांने प्रमाणित केलेले असणे आवश्यक आहे. या शिष्यवृत्तीसाठी अर्ज करणाऱ्या विद्यार्थ्यांनी इतर तत्सम शिष्यवृत्तीचा लाभ घेतलेला नसावा. एकूण पात्र विद्यार्थ्यांपैकी 30 टक्के शिष्यवृत्ती विद्यार्थींनीसाठी राखीव आहे.

अल्पसंख्यांक शिष्यवृत्ती 2022-23 चे अर्ज रिजेक्ट

अल्पसंख्यांक शिष्यवृत्ती 2022-23 साठी अर्ज केलेल्या इ. 1ली ते इ. 8वी मधील सर्व विद्यार्थ्यांचे अर्ज रिजेक्ट करण्यात आले आहेत. परंतु इ. 9वी व 10वी च्या विद्यार्थ्यांना शिष्यवृत्ती मिळणार आहे. इ. 1ली ते इ. 8वी मधील विद्यार्थ्यांना RTE अंतर्गत मोफत शिक्षण दिले जाते त्यामुळे सदर विद्यार्थ्यांना शिष्यवृत्ती देता येणार नाही.

याबाबत शासनाचे परिपत्रक/नोटीस वाचा. - Click Here