वैद्यकीय खर्च प्रतिपूर्ती प्रस्तावाबाबत | वैद्यकीय प्रतिपुर्ती देयके शालार्थ प्रणालीमधून ऑनलाईन अदा होणार

December 04, 2023

शालार्थ प्रणालीमधून ऑनलाईन अदा होणार वैद्यकीय प्रतिपुर्ती देयके. शालार्थ प्रणालीत लवकरच सुरु होणार ही सुविधा. वैद्यकीय बील खर्च प्रतिपूर्ती प्रस्तावासोबत कागदपत्रे सादर करणेबाबत शासन परिपत्रक

शालार्थ मधून प्रत्येक महिण्याची ऑनलाईन सॅलरी स्लिप PDF मध्ये कशी डाउनलोड करावी?- Click Here

वैद्यकीय बील खर्च प्रतिपूर्ती प्रस्तावासोबत कागदपत्रे सादर करणेबाबत शासन परिपत्रक 27 फेब्रुवारी 2026

1. राज्यातील मान्यताप्राप्त व १०० % अनुदानित खाजगी प्राथमिक, माध्यमिक, उच्च माध्यमिक, तांत्रिक शाळा आणि अध्यापक विद्यालयातील शिक्षक / शिक्षकेत्तर कर्मचाऱ्यांची वैद्यकीय देयके विभागीय शिक्षण उपसंचालक स्तरावरुन शासनास सादर केले जातात.

२. शासनस्तरावर प्रस्ताव सादर केल्यानंतर असे निदेर्शनास येत आहे की, उपसंचालक स्तरावरुन प्रस्तावाची तपासणी न करता अपूर्ण प्रस्ताव / तपासणी सुचीनूसार कागदपत्रे नसलेली प्रस्ताव शासनस्तरावर सादर करण्यात येत आहेत. शासन स्तरावर प्रस्ताव सादर झाल्यानंतर प्रस्तावामध्ये त्रूटी असल्यामूळे प्रस्तावांना विलंब होत आहे.

३. तसेच, शासनस्तराव प्राप्त प्रस्तावामध्ये समितीचे इतिवृत्त, वैयक्तिक मान्यता शासन आदेश, १०० % अनुदानित पदाचे वेतन घेत असल्याचे भविष्य निर्वाह निधी व वेतन पथकाचे प्रमाणपत्र शिक्यासंहित, शाळा मान्यतेचे शासन आदेश, शिक्षक / शिक्षकेत्तर कर्मचारी असल्यास शाळा १००% अनुदानित असल्याबाबतचे शासन आदेश व रुग्णालयीन कालावधीतील शाळेची संच मान्यता इ. कागदपत्रे उपलब्ध करण्यात यावीत. सदर कागदपत्रे आपण प्रमाणित करुन सही व शिक्यासंहित शासनास सादर करावी.

३. वारंवार सुचना देऊनही त्रुटी असलेले प्रस्ताव प्राप्त होत आहेत. शासनस्तरावर प्राप्त त्रुटी असलेले प्रस्ताव मजूर झाल्यास व प्रस्ताव मंजूर झाल्यानंतर ही बाब निदेर्शनास आल्यास तसेच न्यायालयीन प्रकरण उद्भवल्यास त्यांची संपूर्ण जबाबदारी संबंधित विभागीय शिक्षण उपसंचालक कार्यालयाची राहील.

वैद्यकीय खर्च प्रतिपूर्ती प्रस्ताव सादर करणेबाबत परिपत्रक 27 फेब्रुवारी 2026 Click Here

शालार्थ प्रणालीमधून ऑनलाईन अदा होणार वैद्यकीय प्रतिपुर्ती देयके

दि. २६/१०/२०२३ रोजी व्हीसीमध्ये वैद्यकीय प्रतिपूर्ती देयके अदा करण्यासाठी क्षेत्रिय कार्यालयाकडून लेखाशीर्षनिहाय मागणी करण्यात आली होती. तसेच विविध संघटनेकडून मागणी करण्यात आली होती.

तथापि शासन पत्र क्र. वेतन-१२२३/प्र.क्र.१०१/टिएनटी-३ दि. २० नोव्हेंबर, २०२३ अन्वये ऑनलाईन पद्धतीन देयक अदा करण्याची प्रणाली विकसित करण्यास साधारणपणे १ महिन्याचा कालवधी लागणार असल्याने सदर प्रणाली मार्फतच थकीत देयक अदा करण्याची कार्यवाही करण्यात यावी असे शासनाने निर्देश दिलेले आहे.

सन २०२३-२४ मध्ये वैद्यकीय प्रतिपुर्ती देयके ऑनलाईन पद्धतीने अदा करणेसाठी शालार्थ प्रणालीमध्ये सुविधा विकसित करण्याची कार्यवाही सुरू असून शालार्थ प्रणालीमध्ये सदरची सुविधा उपलब्ध झालेनंतर २२०२०४४२, २२०२०४७८ व २२०२०४६९ या लेखाशीर्षाखाली उपलब्ध तरतूदीमधून वैद्यकीय प्रतिपुर्ती देयके ऑनलाईन पद्धतीने अदा करण्यास परवानगी देण्यात येत आहे.

राज्यातील शिक्षकांचे वेतन CMP प्रणाली मार्फत करणेबाबत परिपत्रक

तथापि सदरची वैद्यकीय प्रतिपुर्ती देयके ही आपल्या कार्यालयास प्राप्त झालेल्या आवक क्रमांकानुसार अदा करण्याची दक्षता घ्यावी. तसेच वैद्यकीय प्रतिपूर्ती देयके अदा करणेबाबत वित्त विभाग, आरोग्य विभाग आणि शालेय शिक्षण विभागाच्या शासन निर्णयानुसार व शासनाने वेळोवेळी दिलेल्या निर्देशानुसार वैद्यकीय प्रतिपुर्ती देयके अदा करण्यात यावी. शासनाच्या ध्येयधोरणाच्या विसंगत कार्यवाही केल्यास त्याची सर्वस्वी जबाबदारी आपली राहील याची नोंद घ्यावी.