शाळासिद्धी अंतर्गत प्राथमिक व माध्यमिक शाळांचे बाह्य मूल्यमापन करणेबाबत नियोजन व शाळासिद्धी निर्धारक प्रशिक्षण

February 23, 2023

समग्र शिक्षा अंतर्गत शाळासिद्धी उपक्रम अंतर्गत (२०२०-२१ या वर्षातील) स्वयं मूल्यमापन पूर्ण केलेल्या प्राथमिक स्तरावरील १०,००० व माध्यमिक स्तरावरील १८५१ शाळांचे बाह्य मूल्यमापन करणे प्रस्तावित आहे. सदर शाळांचे बाह्य मूल्यमापन करणेसाठी शाळा व निर्धारक निश्चित करुन मूल्यमापन पूर्ण करण्यात येणार आहे.

शाळासिद्धी स्वयंमूल्यमापन 2021-22 कसे कराल❓ संपूर्ण माहिती. नमूना कोरे फॉर्म ३ व प्रश्ननिहाय गुणदान कसे कराल ❓ action plan पहा.

निश्चित केलेल्या निर्धारकाना NEPA, नवी दिल्ली व राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्या दतीने २४.०२.२०२३ रोजी ऑनलाइन प्रशिक्षणाचे आयोजन करून शाळांच्या बाह्य मूल्यमापनासाठी प्रती शाळा रु. ४९०/- प्रमाणे आपणास PFMS प्रणालीद्वारे निधी वितरीत केला जाणार आहे. तरी सोबत जोडलेल्या माहिती पत्रकानुसार आपल्या जिल्ह्यातील प्राथमिक व माध्यमिक शाळांचे बाह्य मूल्यमापन करून तसा अहवाल राज्य शैक्षणिक संशोधन व प्रशिक्षण परिषद, महाराष्ट्र, पुणे कार्यालयास coordinationdept@maa.ac.in या ईमेल वर कळविण्यात यावा.

शाळा सिद्धी वेब पोर्टल -
shastasiddhi.niepa.ac.in

१. शाळांची निश्चिती कशी करावी ?

सन २०२०-२1 वर्षातील स्वयं मूल्यमापन झालेल्या वर दिलेल्या सारणीत संख्येएवढी शाळांची निवड करावी.

प्रत्येक केंद्रातील शाळा असावी. तसेच इयत्ता १ ली ते ५ वी इयत्ता १ ली ते ८ वी इयत्ता १ ली ते १० वी इयत्ता ५ वी ते १० वी अशा शाळा घेण्यात याव्यात. ( इयत्ता १० वी १२ वी परीक्षा केंद्र असलेल्या शाळा निवडू नयेत.)

https://shaalasiddhi.piopa.ac.in/shaalasiddhi/Reports/DataStatusReportForPublicNew?AcademicYearld=0 या लिंकवर जाऊन आपल्या जिल्ह्यातील शाळांची Excel sheet डाउनलोड करू शकता. किंवा २०२०-२१ या वर्षातील स्वयं मूल्यमापन पूर्ण केलेल्या राज्यातील शाळांची Excel sheet पत्रासोबत देण्यात येत आहे. यातून आपल्या जिल्ह्यातील शाळा निवडू शकता.

२. निर्धारक निश्चिती कशी करावी ?

उदा: "अ "नावाच्या शाळेचे बाह्य मूल्यमापन करायचे आहे. निर्धारक अ शाळेतील नसावा. "अ शाळा ज्या केंद्रात येते, त्या केंद्रातील निर्धारक नसावा. तसेच निर्धारक म्हणून काम करण्यास इछुक असलेल्या व्यक्तीस शाळा सिद्धी उपक्रमाची माहिती असावी. ( इयत्ता १० वी व १२ वी परीक्षेच्या कामात व्यस्त असलेले मनुष्यबळ निवडू नये.)

३. निर्धारक किती नेमावेत ?

कमीत कमी २. जास्तीत जास्त ५.

शाळेतील विद्यार्थी संख्येचा विचार करून निर्धारक निश्चिती करावी,

४. निर्धारक कोण असावेत ?

जिल्हा प्रशिक्षण व प्रशिक्षण संस्थामधील अधिकारी, विषय तज्ञ, विशेष तज्ञ, विस्तार अधिकारी, केंद्र प्रमुख, मुख्याध्यापक, शिक्षक, (शाळा सिद्धी उपक्रमाची माहिती असावी)