शिक्षकांच्या बनावट मान्यता तयार करून फसवणूक केल्याच्या आरोपावरून दाखल गुन्ह्यात शिक्षक संघटनेचा पदाधिकारी आणि मुख्याध्यापक संभाजी शिरसाट याला आर्थिक गुन्हे शाखेने अटक केली आहे.
खोट्या व बनावट वैयक्तिक मान्यता तयार करून बनावट वेतन देयकाच्या आधारे सरकारची फसवणूक केल्याप्रकरणी समर्थ पोलिस ठाण्यात दुसरा गुन्हा दाखल करण्यात आला आहे. या गुन्ह्यात शिरसाट याला अटक करण्यात आली आहे.
याबाबत भविष्य निर्वाह निधी पथकाचे अधीक्षक राजेंद्र बाबासाहेब साठे यांनी समर्थ पोलिस ठाण्यात तक्रार दिली आहे. त्यानुसार संभाजी शिरसाट याच्यासह सुबोध शिक्षण संस्थेचे सचिव गौरव कदम, तत्कालीन वेतन पथक अधीक्षक भविष्य निर्वाह निधी यांच्याविरुद्ध गुन्हा दाखल करण्यात आला आहे. जून ते सप्टेंबर २०१६ दरम्यान हा प्रकार घडला. आरोपींनी संगनमत करून सुबोध शिक्षण संस्थेचे लिपिक व शिपाई यांच्या बनावट वैयक्तिक मान्यता तयार केल्या. त्या खऱ्या असल्याचे भासवून त्याआधारे वेतन देयके तयार करून एकूण एक लाख ४६ हजार ६०३ रुपयांची सरकारची फसवणूक केली आहे.
वाचा - ५वी ते ८वी च्या शाळा सुरु करणेबाबत शासन निर्णय जारी... शाळा सुरु करण्यासंदर्भातील सर्व शासन निर्णय डाउनलोड करण्यासाठी येथे टच करा.
शिक्षक भरतीसाठी बनावट कागदपत्रे तयार करून शिक्षणाधिकाऱ्यांच्या संगनमताने बनावट भरती केल्याप्रकरणी ऑक्टोबर २०१९ मध्ये बंडगार्डन पोलिसांकडे गुन्हा दाखल करण्यात आला होता. या गुन्ह्याचा तपास सध्या आर्थिक गुन्हे शाखेकडे सोपविण्यात आला आहे. त्यात २८ जणांवर गुन्हा दाखल करण्यात आला आहे. आर्थिक गुन्हे शाखेने दोन दिवसांपूर्वी सहा ठिकाणी छापे घालून काही कागदपत्रे व बनावट शिक्के जप्त केले आहेत. या प्रकरणी आणखी काही गुन्हे दाखल होण्याची शक्यता आहे.
.jpeg)
0 Comments